高海寧得戚晒柚形胸

高海寧穿上性感低胸裙，大晒家族遺傳的「柚形胸」出席電影慰勞宴，曾志偉一反常態狂踩「愛將」呂慧儀冇樣冇身材，反而大讚高海寧露得乾乾淨淨。　

曾志偉、高海寧、王祖藍、李思捷及阮兆祥等主演的電影《勁抽福祿壽》上映10日，票房大收約600萬港元，前晚筵開14席慰勞宴，並安排重達25公斤的月餅慶祝。身穿低胸短裙到場的高海寧，獲曾志偉讚賞，志偉透露最近為賀歲片的劇本而忙碌，問到看好無綫哪位花旦，他竟大讚高海寧而狂踩「愛將」呂慧儀，他說：「高海寧幾好吖！有觀眾緣又勤力，唔會亂露，乾乾淨淨！（你愛將呂慧儀呢？）佢唔靚又冇身材，出親嚟都話佢輸，做實力派啦！佢做《香港先生》露又畀人話，唔露又畀人講！（你收起佢啦！）對腳咁長點收？」

滿意自己身形

大騷事業線的高海寧不覺得衣着性感，只能歸咎身材太好，她說：「要多謝媽咪嘅遺傳，其實喺家族入面我唔係好勁，我姨媽就好勁，好似兩個沙田柚咁！不過我好滿意自己嘅身形。」她並否認身材太好會被女藝人排擠：「反而男藝人就唔敢埋身，可能怕引起誤會啦！」