陳豪陳茵媺同聲同氣

陳豪及陳茵媺被踢爆在深井「行宮」密會後，麥長青又證實他倆拍拖，但二人例牌否認。昨日陳茵媺又自爆曬傷，莫非想陳豪呵番？

陳豪昨晨9時返抵將軍澳電視城為新劇《4 In Love》開工，提到麥長青踢爆他跟陳茵媺拍拖，他說：「依家都係約會嘅階段，但係開心嘅，我仲係住喺將軍澳，冇咩『行宮』喎，只係去麥包屋企食飯。（減少見面？）唔會，我哋一直都有約食飯，大家態度都大方嘅，低調係唔想畀人覺得我哋博宣傳，其實冇嘢要隱瞞。（你唔認拍拖？）畀我哋約會多幾次先啦，依家大家感覺都係好好嘅，希望大家畀多啲空間我哋啦！」而其過氣緋聞女友佘詩曼亦大讚他跟陳茵媺郎才女貌。

否認夾口供

另一邊廂，陳茵媺昨日在北潭涌拍攝新劇《ATF反恐》，對於被麥長青踢爆與陳豪拍拖，她與陳豪口徑一致：「我哋認識緊，食多幾次飯先啦！開心嘅。（幾時公開？）如果有呢個Moment，最緊要正面同開心！」她並透露有跟陳豪傾電話兼談及「深井事件」，但否認有夾口供。問到可會抗拒與陳豪同居？她則笑言不懂回答。