方力申撐大隻謙冇打人

曾與傅穎傳緋聞的方力申及敖犬前晚出席活動，對於傅穎被打，矛頭直指羅仲謙，方力申竟「幫仔唔幫女」：「同佢（傅穎）冇聯絡，反而有Send短訊問候謙仔，佢咁大隻，如果真係打人，對方一定唔止小傷，我試過打佢幾乎搞到隻手扭親！」敖犬則未作回應。另外，周秀娜男友陳偉成（Avis）曾與傅穎傳緋聞，娜姐疑似呷醋微博寸爆男友，昨日Avis微博留言：「兩個人的信任和安全感是要雙方建立……做破裂信任的事情請三思。」其後他解釋：「唔係講傅穎，我同周秀娜好好！」而傅穎的Cookies舊戰友吳雨霏說：「佢冇講過，冇八卦問，好驚訝，希望佢盡快冇事！」

方力申（右）與敖犬一同出席活動，未知可有談及傅穎呢？