查小欣劉羽琦為鋒芝打氣

鋒芝離婚轟動全城，圈中人議論紛紛，包括當日踢爆鋒芝婚變的電台節目主持查小欣，以及與栢芝合作拍戲的「內地網絡咪神」劉羽琦、彭博及曾志偉。

查小欣說：「祝霆鋒同栢芝演藝事業發光發熱，好安心佢哋終於達成共識，共同管養Lucas同Quintus，呢兩兄弟由栢芝大肚、成長都係傳媒焦點，雖然佢哋離婚，但可以做番朋友，好似拉姑、謝賢當年離婚搞記者會，都係我一手策劃，佢哋目的係唔想有任何炒作。」

劉羽琦於《河東獅吼II》與栢芝不乏對手戲：「基本上每組戲都是跟她一起，她狀態不錯，人也很好！」她透露曾在微博中為她打氣，認為感情對或錯，做女人都不容易。

曾志偉則說：「大家唔開心喺埋一齊，對小朋友影響仲大，依家決定共同撫養小朋友就最好啦！離婚原因可能聚少離多啦！相處唔開心咪唔一齊囉！大家都仲咁後生。（可惜？）既然唔能夠一齊，大家需要分開都冇辦法，發生咗！（復合？）世事好難講，冇嘢冇可能。」

演員彭博在微博說：「上午和栢芝在化妝間化妝時，一直聽她在唱歌，看着電腦內的兩個兒子，心裏酸酸的。」他的留言被指抽水，昨日他澄清並非為博粉絲關注，真心讚栢芝敬業及善良，全劇組都喜歡她。