霆鋒搶手1.6億送上門

鋒芝離婚已成定局，但並無影響謝霆鋒和張栢芝的吸金能力！據悉目前已有9部電影向霆鋒招手，其片酬更升至1,800萬港元一部，9部即合共可賺1億6,200萬港元，相當和味；至於栢芝密密接拍廣告，勢將成為廣告女王。

隨着鋒芝就離婚發出聯合聲明，並表示會共同管養一對寶貝仔Lucas和Quintus後，兩人各自投入工作搵真銀，雖然離婚已成定局，但無礙兩人吸金！據知，霆鋒將於10月接拍由爾冬陞（小寶）監製、羅志良導演的懸疑片，這是霆鋒和小寶首度合作，屆時霆鋒與另一影帝劉青雲大演對手戲。除小寶的新戲外，霆鋒手頭上已有8部電影接洽中，包括袁和平、陳木勝、陳德森及張婉婷等，檔期已排到明年7月，相當忙碌。

片酬升至千八萬

據悉霆鋒片酬繼續攀升，已升至1,800萬元一部，9部電影片酬合共1億6,200萬元，吸金力驚人。霆鋒經理人霍汶希接受電話訪問時說：「霆鋒仲揀緊劇本，呢部（指小寶新戲）成數較高，但未落實，要就霆鋒個期，佢依家日日都開工。（心情點？）幾好，冇乜嘢。」

而小寶太太接受電話訪問時被問到新片女主角誰屬？她說：「女主角未定。（點解搵霆鋒同青雲？）好啱個劇本。（邊個演忠、奸角？）冇話邊個演忠定奸。」去年栢芝與伯樂小寶合作告吹，不和謠言滿天飛，問到雙方最近有否聯絡？小寶太太說：「小寶啱啱先拍完《大魔術師》，栢芝亦拍緊戲，大家冇乜聯絡。」

至於栢芝的吸金力同樣驚人，據知她拍完《河東獅吼II》後，便會為電影《影子愛人》灌錄主題曲，稍後還會推出唱片；此外，栢芝密密接拍廣告，除接拍了一個電單車廣告外，並會續約內地床上用品廣告代言人！此外，栢芝昨晨6時在寧波繼續為《河東獅吼II》開工，直踩12小時拍攝，主要拍攝武打場面，據悉她的心情並未受離婚影響，依然投入工作。據知，栢芝昨晚收工後，便漏夜趕赴武漢，出席今日的珠寶店剪綵活動，完成後便趕返寧波開工。

另有雜誌報道指栢芝安排不周，令大仔Lucas返學淋雨致感冒發燒，周小姐則說：「Lucas冇病過，之前（19號）栢芝同霆鋒仲一齊同Lucas出席學校家長日，咁多人都見到Lucas好活潑，唔好作得就作啦！」