羅仲謙眼紅澄清 冇冧蔡慧欣

藝人羅仲謙與傅穎之間的感情糾紛鬧得熱烘烘之際，昨日又有消息指羅仲謙「搭上」應屆落選港姐蔡慧欣，令羅仲謙急急開腔澄清。

有消息指羅仲謙擔任今屆港姐嘉賓，到台灣與佳麗拍特輯期間，「搭上」(13)蔡慧欣，令昨日入無綫拍攝劇集《On Call 36小時》的羅仲謙，急召傳媒到電視城開腔澄清，他一臉委屈眼紅紅說：「我想同大家講一番說話，就今日嘅報道，我想話我同今屆港姐M蔡慧欣係朋友，並冇乜親密短訊或肉麻嘅相稱。」問到有關傅穎（Theresa）遭雪藏和有否與蔡慧欣聯絡，他未有回應便離開。

十分鐘後，他應記者要求再度現身，但只重複同一番說話：「有關Theresa嘅事公司處理緊，唔方便講。」記者追問有否與蔡慧欣聯絡、點睇被封賤男、有否感到被人利用宣傳，以及日後會否帶眼識人等，他均沒有回答。

傅穎繼續潛水

另一邊廂，Theresa繼續潛水，有傳公司對她極度不滿，要求她償還百萬元墊支的費用再跟她解約，星皓營運總裁陳小姐說：「依家公司了解件事先，細節唔回應。」謙仔被爆有小三、小四，而最新被牽連的是落選港姐蔡慧欣，Theresa透過公司表示：「不作回應。」而蔡慧欣至截稿前仍未回覆。

另外，官恩娜出席活動時說：「我識佢哋兩個，仲喺一個慈善單車活動同羅仲謙對咗個幾月。（覺唔覺得佢暴力？）唔覺！（點睇傅穎？）佢係一個好女仔，希望件事盡快解決。（佢自爆新聞宣傳？）唔清楚來龍去脈，咩事都應該平心靜氣解決，自己就冇畀男友打過。」