林宜芝踩過界學捽碟
有「混血E神」之稱的模林宜芝（Monna），將於後日到尖沙咀一間酒店捽碟。日前她以低胸性感打扮，跟隨DJ Cyrus學捽碟，期間更不忘晒事業線。雖然不少模轉戰DJ界，但她坦言不擔心外界作比較：「大家各有風格，我學咗幾個月，仍然摸索緊。由細到大我都鍾意音樂兼有天分，早排就買咗部細嘅捽碟機，喺屋企爭取時間練習。（擔唔擔心被博懵？）唔擔心，當晚我會企喺台上面，而且有工作人員保護我。」提到師姐陳靜於寫真戰戰果不俗，Monna直言會以師姐為目標：「我希望做到『陳靜第二』，亦希望將來有人做到『Monna第二。』」
