麥包解畫變爆料：佢哋啱啱拍拖
陳豪與陳茵媺於深井碧堤半島的愛巢曝光，即以同樣居於此屋苑的好友麥長青（麥包）作擋箭牌。
記者昨日致電麥包，問到曾否於屋苑撞見雙陳，他坦言陳茵媺與陳豪經常雙雙到其家作客，看來麥包的寓所都成為二人的約會「私竇」。麥包說：「今日（昨日）冇睇報道，係太太講我知，阿妹（陳茵媺）成日上嚟我度飲湯㗎啦！佢一個人喺香港，每次上嚟食飯、飲湯、傾偈之餘，仲會教我個女英文，佢同我個女好Friend！」
問到陳茵媺有否帶同男友陳豪到訪時，麥包說：「梗係有，我話晒都係阿哥，都要介紹男朋友我識。（佢哋成日一齊上嚟？）幾次啦！啱啱拍拖係咁！成日又咁多狗仔隊跟，去得邊呀？」他又笑言沒有介紹「阿妹」買上址的單位做街坊。
一心為「阿妹」解畫的麥包，口快快誤爆陳茵媺與陳豪拍緊拖。（資料圖片）
麥包夫婦經常招待陳茵媺到麥府作客。（資料圖片）