寶貝仔未知父母離婚

當全城熱烈談論謝霆鋒和張栢芝的離婚決定時，一對兒子Lucas及Quintus還蒙在鼓裏，要繼續讓兒子有快樂和充滿愛的童年確實不容易。身為栢芝好友的Rick Chin表示，Lucas還未知道父母離異的消息，但相信向來堅強的栢芝會妥善安排。

身為張栢芝御用化妝師兼好友的Rick Chin，看着栢芝入行和歷經戀愛、結婚及離婚等人生重要階段，對好友的離婚決定表示尊重，他說：「兩個都係大人，中間嘅感受唔係我哋外人可以充分明白，呢份聲明可以平息外間嘅揣測同憂心。」栢芝離婚後既要拍戲養家，又要照顧一對兒子，問到會否替獨力應付的栢芝感到很辛苦，他說：「公平講句，冇話邊個特別辛苦或着數！霆鋒都一樣要拍戲，佢同栢芝都係咁錫對仔，相信佢哋識得安排時間，同埋大家都有相當嘅經濟能力，一定畀到小朋友最妥當嘅照顧。」

Lucas當正Uncle

作為栢芝好友的Rick Chin，早已融入栢芝家中，成為Lucas最愛與之分享談天的Uncle之一，他說：「Lucas係個好開心得意嘅小朋友，無論返Playgroup或返學期間嘅開心事，都喜歡同我哋呢啲Uncle、Auntie傾吓。」不過，聲言「會以兩小孩的幸福成長為主要考慮因素」的霆鋒和栢芝，怎向天真無邪的Lucas交代父母離異的消息，以及如何令Lucas和Quintus有個快樂的童年，確是一大難題。

撐離異後更堅強

Rick Chin表示Lucas依然生活得很開心，相信還未知道父母離婚的消息：「我信任栢芝識得用成熟方式同Lucas交代，唔係第三者或外人有權去交代處理，大家少啲負面報道已經對小朋友幫助好大。」他又透露離婚後的栢芝更堅強：「栢芝依家心情OK，佢向來好硬淨同積極，就算有唔開心，都絕對唔會逃避。」他續指已簽了新亞洲娛樂為經理人，和栢芝成為同事，稍後兩人會齊攻內地，合作拍攝節目。