「Ten」Sa．嬌揭秘

1.互稱全名

蔡卓妍英文名Charlene，鍾欣桐英文名Gillian，為了方便易記都簡稱她們「阿Sa」和「阿嬌」，私底下她們卻堅持稱呼對方英文全名，變成專屬「暱稱」。

阿嬌右邊面上鏡，而阿Sa左邊面最靚，經理人Mani索性指定她們拍照的企位，永遠阿嬌站右邊、阿Sa靠左企，睇相片自然一眼分到「左嬌右Sa」，容易識別。

01年為《英皇慈善星輝夜》表演，當時未有隊名卻以「人氣組合」介紹出場，觀眾零反應，直至打側手翻哄動全場。事後阿Sa攬實Mani狂喊，阿嬌呆了半晚。

阿Sa太瘦，有時着衫不夠好看，尤其是旗袍，設計師為她特製綿襖「肥仔衫」打底，增加質感和線條美。不過，最近阿Sa已不用再穿，因已增磅成功。

入行初因練新歌辛苦，常常夢想能一曲走天涯，結果03年「夢想成真」；《下一站天后》合唱版在內地爆紅，時至今日仍是她們登台指定飲歌，不唱冇錢收。

阿嬌說：「07年拍《出水芙蓉》時，劉鎮偉導演對我好好，08年為咗我嘅事心痛到喊，之後佢不斷鼓勵我，就好似一個爸爸咁溫暖，我叫佢『Jeff爸爸』！」

阿Sa說：「古天樂嘅說話喚醒我要為將來做準備！做藝人有時好冇安全感，經佢點醒，我呢兩年好努力，依家唔驚被影到醜樣或拍拖相，隨時可以停低做鍾意嘅事。」

粉絲為慶祝Twins十周年，寫了一首《撐你》，並將她們過往難忘片段輯成MV，Twins遂將旋律以全新歌詞演繹《留言牆》作回禮，以互動方式見證相愛十年。

Twins均有廿四孝媽咪，經常煲靚湯，阿Sa表示早上看見床頭湯壺特別窩心，必乖乖飲晒。阿嬌卻拒絕媽媽心意：「媽咪總係半夜要我飲湯，飲完瞓覺好易肥嘛！」

兩女不時要長留內地拍劇，冇得Shopping而沉迷網購；阿嬌買得瘋狂，往往於煞科後要將大堆物件搬返港就呻笨，阿Sa則愛買古怪產品，曾買流動馬桶送阿嬌。