鍾舒漫黃貫中SingSing相惜
鍾舒漫（Sherman）與黃貫中（Paul）前晚再度攜手於酒吧舉行音樂會，下一站將到澳門繼續Jam歌，兩人因音樂結緣，阿Paul表示音樂冇分前後輩，Sherman說：「我不停偷師，綵排都企出嚟聽，阿Paul助手仲以為我催佢。」Sherman又表示早前到對方Band房時，被其Cool爆Band友嚇窒，阿Paul解釋：「佢哋少見女性出現Band房硬晒軚，所以扮Cool遮醜。」
Sherman表示出席酒吧騷不會刻意收起性感，她說：「可能觀眾比較熱情，自己冇遇過唔好嘅事，之前將開騷相放上網，朋友好熱烈留言，但全部都係同阿Paul講加油。」
黃貫中及鍾舒漫合作於酒吧舉行音樂會，兩人互相欣賞。