床戲對手Carol力撐脾氣好
傅穎大爆羅仲謙身邊還有小三、小四、小五，過去謙仔緋聞情人多多，先後與落選港姐張莉莎、梁靖琪、「鵪鶉妹」黃智雯等傳過緋聞。最近有指謙仔與傅穎拍拖之餘，在北京和香港圈內外都有女朋友。昨晚與謙仔一齊開工的黃智雯說：「我同佢單緋聞好似兩年前嘅事，冇理由係我。今日開工唔覺有異樣，但我唔信佢打人，因為佢一向好Gentlement。」
謙仔一向艷福無邊，先後與兩大「波神」周秀娜和楊梓瑤（Carol）拍床上激戰戲，但周秀娜堅拒做「小三」，她說：「啋過佢，大吉利是！佢哋七離七合唔關我事，可能係佢（傅穎）上北京前最後一次宣傳，耍吓花槍啫！」Carol則說：「吓？我覺得謙仔唔係啲咁嘅人喎！唔信佢打人，我拍戲成日NG，佢都冇發過脾氣。（有冇追過你？）我向來做嘢好少畀電話人，謙仔都冇我電話，點可能有進一步發展。」