羅仲謙含淚否認動粗

面對傅穎突如其來指控，原本昨午五時要為無綫新劇《On Call 36小時》開工的羅仲謙，轉往星皓公司召開記者會，星皓發言人李小姐事先聲明謙仔因趕開工不會接受提問。神情嚴肅兼眼泛淚光的謙仔，數度嘗試開口卻說不出話來，只吐出個「唉」字，之後靜思三十秒才「甩甩咳咳」謂：「上次……之後……我上次（喺感情）處理得唔係咁好，不過我好珍惜同佢之間嘅感情，所以有搵番佢。感覺上我哋仲有機會，冇耐我哋喺番埋一齊。」

全程沒有提過傅穎兩字的謙仔，坦言二人因信任問題常吵架：「曾經驚動過一啲異性朋友，有次佢Check我電話，我哋嘈起上嚟，當時佢情緒好激動，手舞足蹈，因為我要諗辦法制止佢，所以捉住佢，可能咁整到佢。」謙仔又指由於雙方欠缺信心，故終決定分手。

當謙仔完成前後不足五分鐘的「演說」後竟出現Dead Air，記者乘機問他有否後悔及道歉？此時李小姐即擋駕說：「唔好意思，佢要趕開工。」不過謙仔卻應傳媒要求停步拍照。在數十傳媒簇擁下離開的他，約六時抵達北區醫院拍劇，至七時半收工，並在李小姐陪同下折返九龍灣公司取車，其後駕車返回大埔寓所。

據知傅穎與謙仔復合後表現緊張，不時Check謙仔手機，更曾致電其女性友人大興問罪之師：「你同我男朋友咩關係？」而謙仔則因第一次與傅穎拍拖時出現誠信問題，故對女友一直啞忍。而謙仔身邊好友則力撐謙仔沒有出手打傅穎，認為只是雙方發生碰撞產生誤會。