馬賽遊峇里島「潛」入二戰沉船
無綫小花馬賽拍劇時間顛倒，每逢放假都愛外遊享受陽光與海灘輕鬆一下！早前她跟母親到峇里島，一償所願學潛水：「之前同陳鍵鋒、謝天華拍劇，聽到好多有關佢哋去潛水嘅故事，我本身好鍾意探險，今次終於達成心願！」她花了三天考獲初級潛水牌，首天先在泳池學，第二及三天才正式落海，印象最深刻就是看到海底沉船遺迹：「呢兩日去咗幾個唔同嘅潛點，不過每次只可以喺水中逗留約五十分鐘，之後就要上水休息，印象最深刻就係見到一架二戰沉船，成架船布滿珊瑚，好壯觀！」她笑言現時潛水潛上癮，剛上完堂即惦記着潛水的日子，希望下次可抽空再去馬爾代夫或留港潛水，盡情發掘各地的海底世界！
在峇里島旅行期間，馬賽盡情享受陽光與海灘。
馬賽學好潛水的基本技巧後，即潛入深海欣賞海底奇觀。