陳嘉桓擦「邨菜」做扒女

提到食，必定想起林立於旺區的日本菜、中菜及法國菜等餐廳，但又有多少人會去屋邨尋找美食呢？自言食遍各區的陳嘉桓對屋邨美食情有獨鍾，自爆愛食豬扒等超熱氣炸物，還笑言不用以形補形：「我唔係豬扒」！

別看宅男女神陳嘉桓（Rose）身形高挑，擁有Fit爆身形，而誤會她吃得很少，原來她極之擦得，不用工作時會四圍去品嘗美食。日前，Rose到黃大仙區歎屋邨美食，坦言美食不一定要食得豪，不用花很多錢已食得十分滋味，她說︰「屋邨其實有好多好嘢食，直頭臥虎藏龍，電視都有介紹啦！食好嘢唔一定要去貴餐廳嘅。」

專攻熱氣炸物

當日Rose專攻炸物，炸豬扒、炸雞扒、炸魚蛋及炸牛丸，淨係聽到個名已經覺得非常熱氣，但她一於少理，率先踩入茶餐廳擦招牌炸扒類及豬扒包，她說︰「呢間茶餐廳有好多年歷史，之前聽朋友講呢度啲豬扒幾好食，我平時都鍾意食扒類嘅，呢度嘅豬扒好入味、好鬆軟，食扒類最怕咬唔開。而且炸完冇乜油，最啱我哋注意身形嘅女仔食！」不少年輕人對「豬扒」兩字十分感敏，Rose笑言未試過被人叫「豬扒」︰「我鍾意食嘢，豬扒係我其中一樣至愛，雖然『豬扒』係一個稱呼，不過我唔係豬扒囉！」

一啖一啖豬扒包後，再食炸雞扒，Rose笑言雞扒炸後的賣相很特別，不捨得食落口︰「個雞扒炸得好靚，唔想將佢食落肚。自己本身好鍾意食炸嘢，雖然會熱氣，但對炸食物同串燒呢類嘅食物愛不擇手，都係嗰句，食咗先算啦！」

食完幾款炸物，Rose未夠喉再掃炸小食︰「自己未試過炸魚蛋同炸牛丸，初時以為入口會好乾，但原來係鎖住裏面啲汁，本身冇諗過可以咁食法，呢個地區嘅炸嘢真係好好味！」

整狗餅顯廚藝

現今不是個個80、90後女仔都入得廚房，但打女出身的Rose卻打得又煮得，年紀輕輕已有幾年入廚經驗，她說︰「自己本身好鍾意食嘢，有時喺屋企想食嘢，冇理由咩都叫屋企人煮，咪自己試吓入廚，第一次真真正正煮嘢食係3、4年前，咁屋企人都有喺旁邊幫手，所以都幾放心我處女下廚。」

Rose自言簡單的幾味餸難不倒她，還透露閒時會化身寶貝狗廚師整狗餅，她說︰「我除咗煮嘢畀自己食，仲會整狗餅畀隻狗食，我諗我都幾鍾意煮嘢食。」問到會否煮愛心飯盒給意中人？她笑說︰「有煮嘢食畀屋企人食，如果有男友都會煮，可能會一齊煮享受下廚樂，另一半識煮嘢食都幾好，唔會餓親我，如果我攰可以煮畀我食。」

（A）︰2752 7468

（B）︰2325 6318