路芙夜闖瀑布灣照邋遢嘢

究竟荒山野嶺有幾「猛」？主持電台靈異節目的DJ路芙日前帶同多位師傅，漏夜硬闖傳說最猛鬼的香港仔瀑布灣靈探。由於瀑布灣每年均有小朋友無故遇溺，故惹來「猛鬼瀑布灣」之名，當局亦為防再有意外，近年加設欄杆阻擋去路。

一行六人所經全是山坡及大樹，陰風陣陣令人毛骨悚然。跨過欄杆抵達瀑布灣後，驟眼看與一般沙灘冇分別，瀑布前有兩舊巨型大石。不怕死的路芙用電筒左照右照，還好奇問師傅：「感唔感覺到有嘢？」但師傅們未有理會，兵分兩路「捉鬼」。期間，他們發現一棵大樹下有多個神壇及觀音像，全是背山面海，相信是「有心人」安放神像「震懾」邪靈。最後，六人於瀑布前作實地錄音，信奉泰國神的超師傅指不如傳聞所講般猛鬼，堪輿學家高萌禧師傅則說：「行落嚟時係有啲寒氣，反而落到嚟冇乜太特別。」

首次到瀑布灣的路芙坦言此行如探險一樣：「啲人成日講有幾猛鬼，咪夾埋師傅嚟睇吓有幾猛！我完全唔驚，乜都Feel唔到。（驚有朝一日惹禍？）唔驚，我信心仲係好大。」她坦言如果鬼要現身，會用盡方法在你面前出現：「係避無可避。」