麥玲玲：靈體干擾磁場
對於Theresa在荒山野嶺遇上靈體，堪輿學家麥玲玲認為絕不出奇，她說：「荒山野嶺更加多啦！同學仔見唔到，係因為Theresa嘅電波接收強啲，見完鬼就病呢個係一定嘅，因為靈體干擾磁場搞到發燒，病情係會反覆，真係要去拜神。（班鬼現身畀佢見到係咩意思？）應該冇意思，可能當年附近死過好多人，係唔同空間嘅嘢。」麥玲玲以「撞邪」形容Theresa今次遭遇：「見到一次半次唔出奇，如果話有鬼跟足幾年，我就覺得係精神有問題。（見到鬼第一件事要做咩？）視乎宗教，其實好似見到人一樣，你有禮貌佢都有禮貌，唔需要嚇親。」
