江若琳暴食升Cup

時下興瘦身，可是影星江若琳（Elanne）為求演好新片中的角色，不惜晚晚狂食甜品零食，全力增肥，上圍腰圍數字齊升的她大呻：「食到想嘔！」

羽翹、Elanne、王梓軒、模Jeana（何佩瑜）及Hidy（余曉彤）等昨日出席《3香港全城首創3D流動通訊平台記者會》，正進行地獄式增肥的Elanne說：「我為新片肥咗12磅，仲要再肥10磅！依家晚晚臨瞓都食雪糕同朱古力，食到想嘔！但我太鍾意個劇本，睇一次喊一次，所以會撐落去。（上圍升Cup？）少少，肚腩肥最多。」

同場的馬浚偉力撐容祖兒新歌沒有抄襲他的舊歌：「音符來來去去嗰幾個，有啲似可以理解，但我聽過祖兒首歌，唔覺得似，我首歌出咗十年，唔係網友將兩首歌放埋一齊刻意聽，完全唔覺得似。」

Jeana沖涼被偷窺

至於以貼身短裙示人、但收起胸前事業線的Jeana說：「同場好多Artist，收斂啲，怕令人有壓力。（驚性感惹人犯罪？）都擔心，讀書時去Camp，試過沖涼畀人偷睇，捉唔到，應該唔係同學，所以遲吓做個舞台劇畀人明目張膽偷窺。」此外，Hidy自爆：「我撞啱生理問題，成個人脹咗，Bra都有少少逼。（因禍得福？）身材唔係我優先考慮，有得揀嘅話，我寧願瘦啲！」