最快3個月還自由

鋒芝在雙方律師陪同下達成協議入紙離婚，黃國桐律師表示這是共同申請離婚的最快程序：「會節省派票等程序，不過通常淨係雙方律師在場，連當事人都喺度嘅會議好少有，係有錢人先咁做！（當事人之後要上庭？）唔使，淨係代表律師進行內庭聆訊！（最快幾耐回復單身？）3、4個月左右，要睇法庭當時多唔多離婚排期。」他又指愈快辦妥離婚程序，對當事人的傷害愈少。此外，他又指鋒芝雙方聘請律師到家進行馬拉松式通宵會議，律師費用必然龐大，法律諮詢按小時收費，辦公時間外的收費通常會調高20%至30%，至於要求律師到訪家中，亦要額外付交通費。