董敏莉望擺脫悶局

前歌手董敏莉早前與日本藝人桃井薰合作電影，她坦言機會相當難得！近年多拍藝術電影的她，更希望大家將這類電影與「悶」字脫鈎！

近年主攻影壇的董敏莉（Monie）有份主演的電影《Amaya》（Hong Kong Confidential），代表拉脫維亞出戰奧斯卡電影節，角逐「最佳外語片」，雖然最終未有打入五強，但已令Monie相當興奮！她說：「我成件事都唔知情，係有加拿大朋友睇到官方網頁，話有套戲演員個名同我一樣，問係咪我，我都係上網睇番先知！」她坦言身為香港人，但代表拉脫維亞出戰奧斯卡，感覺很得意：「雖然最後冇勝出，但我覺得今次最大意義係有機會參與，仲有機會同桃井薰合作，覺得自己好幸運！」

佩服桃井薰

Monie表示得知有機會與桃井薰合作時，已重看不少對方的電影作品：「佢演技好唔使講，有部戲佢仲全裸演出，為藝術作出犧牲，要好大勇氣，好佩服佢！」她激讚對方毫無架子，專業及友善，令她相當欣賞。

Monie曾拍攝不少非主流的電影，包括《師奶唔易做》及《性工作者十日談》等，今次有機會演出《Amaya》，令她相當興奮：「幾部作品都唔係商業電影，不過我拍得好開心、好有滿足感！希望大家將藝術電影同『悶』字脫鈎，日後另闢一個新天地！不過，有機會拍攝唔同類型作品，我當然想參與啦！」