馬交吳佩慈酒吧騷任抱
外號「馬交吳佩慈」的o靚模Elaine Wong早前憑派壯陽藥谷寫真成功出位，雖然書展已告一段落，但她仍馬不停蹄四出宣傳寫真，剛在酒吧搞活動的她吸引不少粉絲撐場，一晚已輕鬆賣出逾百本寫真：「呢種宣傳成效都幾高，可能因為我有同粉絲玩遊戲，贏咗嗰個仲有得同我抱抱！」
愛心爆棚的她表示稍後會將寫真集一半的收益撥捐慈善機構：「我有個朋友喺慈善機構做，佢遲啲仲會安排我探訪老人院，希望之後可以參與多啲慈善工作！」而她所屬的公司正考慮開拍新戲，她希望飾演女殺手儆惡懲奸，在女殺手角色中，她最欣賞電影《標殺令》中奧瑪花曼的造型。