陳爽出外覓良機 毋忘公司支持

07年中華小姐陳爽近期半退出娛圈，出外闖一番事業，在香港航空擔任營業及巿場部香港企業銷售經理。陳爽指無綫很支持她，縱然仍有幾年合約，都給機會她出外一試。文：影視組

陳爽不經不覺已加入無綫三年多，她認為在娛樂圈發展不可作為終身職業，而且眼見身邊不少圈中好友都有做生意，故她亦想嘗試投身其他行業。陳爽在外國讀大學時主修經濟，問到為何不選擇與經濟有關的工作時，她說：「我其實都有考慮過做有關金融嘅工作，不過做金融需要嘅時間更加多。其實做咗呢份工之後，每日自己嘅時間都得番兩、三個鐘，我依家都適應中。」陳爽表示現時的上班時間是朝九晚五，與娛樂圈的上班時間大有分別。至於與無綫的合約，她坦承還有數年，不過公司很支持她的決定：「公司叫我可以去試試，同公司都傾好晒，唔會有衝突。無綫如果有工作搵我，而大家時間上又可以配合到嘅話，我都會出席，不過以航空公司工作行先。」

分享圈中事

陳爽現時的一班同事都非圈中人，故對她以前的工作相當感興趣，她笑說：「之前未熟佢哋都唔係好敢問，不過同佢哋熟咗之後，就不斷問我有關選美、拍劇嘅嘢，之前我去睇《香港先生》，佢哋仲叫我帶埋佢哋去，都幾得意、搞笑。」