EKEE視獎如無物
電台DJ EKEE最近加入樂壇成為新人，不少新人都會以年終的「新人獎」為目標，不過EKEE直言有沒有獎都不重要，最重要聽眾喜歡，她說：「可能自己唔算啱啱入行，所以冇乜競爭心態，拎到獎我會當Bonus！」對於獎項，她亦有另一套睇法：「獎只係人定出嚟，拎到唔代表真係受歡迎，最緊要係聽眾鍾意，大家嘅反應仲緊要過獎項！」至於今年新人獎得主，她最看好「巨聲幫」的林欣彤及許廷鏗。
EKEE表示在當DJ的六年裏不停進修音樂，讓她有不少舞台經驗，表演不會像新人般「騰雞」。雖然出道只有短短幾個月，但對於目標及歌路都十分清晰，她說：「我唔係行青春Cutie路線，係有少少古怪，啲歌會畀大家電子同懷舊嘅感覺，好似外國咁！」而她親自填詞的新歌《Full Moon》派台後成績不錯，不過她未敢為其他人寫歌。
自言古怪的EKEE不走青春Cutie路線。