Twins合體狂蝦碌

Twins前晚在會展舉行《新城Twins 3650演唱會》，獲鄺美雲、Sa爸、容祖兒母親及C AllStar等捧場，由於久未合體演出，孖妹緊張得「頭鬆膊甩」，蝦碌連連！

孖妹Twins甫開騷即又唱又跳，阿嬌自爆疑似「反甲」，阿Sa又說：「我啲頭髮都跌晒落嚟！」及後兩人邊唱《女人味》邊拿水樽向男舞蹈員淋水玩「濕身」，極盡誘惑！期間，腳踏七吋高跟鞋的阿Sa突然大叫：「哎吔！我見到對襪凸咗出嚟好肉酸！」並即九秒九跪在台上整理，而跳至「甩膊」的阿嬌索性將兩膊上的厚墊扔掉。

緊張甩嘴

音樂會結束後，Twins解釋連番「蝦碌」原因，阿嬌說：「我仲未除對襪睇，但頭先喺台上聽到啲腳甲『刮』一聲！」而阿Sa則稱高跟鞋太高令膝蓋劇痛，問到是否太緊張以致甩嘴？阿Sa笑說：「我哋係『台瘟絲姬』！」阿嬌則稱因音響問題令她疑似「唔夠氣」。

另外，與孖妹合唱《死性不改》的BOYZ，坦言期待公司為他們舉行音樂會。此外，Kenny透露已慰問「密友」張敬軒患病的母親，他說：「軒仔都叫大家唔使擔心！」