伊健封秋官Chok祖
鄭伊健、周渝民（仔仔）與吳尊等昨日在北京出席新片《忠烈楊家將》記者會，但慘遭穿豹紋恤衫的鄭少秋技術性「Chok倒」，秋官笑說：「我喺飛機廁所見過『Choke』呢個字，你估Chok係咪由廁所而來？」而伊健則笑封秋官為「Chok祖」：「古裝有古裝Chok，時裝有時裝Chok！」
伊健頂替受傷辭演的古天樂，由反派變男主角，他說：「其實我好鍾意原本嘅反派角色，有場馬上打仗戲好危險，我訓練時跌咗落地，又練到臀部發炎，要提早返港醫。（傷及何B仔？）咁又冇！」不過，導演于仁泰表示早屬意伊健演出：「我一開始就認為伊健適合演楊大郎，但黃百鳴話簽咗古天樂，依家最終都由伊健演，天意！」至於仔仔則不擔心演出有危險：「我第一次學騎馬，很放心，會多放時間跟馬匹溝通，培養感情。」而吳尊則表示要苦練平衡。
攝：謝國華北京傳真
吳尊（左起）、伊健、秋官與仔仔在北京出席新片記者會，鬥型兼鬥Chok！
鄭伊健（左）大讚秋官是「Chok祖」，甘拜下風。