祖兒:真係襯到絕!

向來愛與基仔鬥嘴的祖兒,前晚見好友生日即大整蠱,率領全場賓客大叫「Lorraine」的名字,成功撮合二人合照,她笑說:「佢哋真係襯到絕!(有咩祝福?)百年好合、永結同心!」至於泳兒亦大讚「巨Lor戀」合襯:「如果佢哋真係拍拖會送祝福,好難得工作上做埋情侶!」而「哎吔阿哥」鄭伊健雖未能親身到賀,但亦在微博留言:「古巨喱,弟弟生日快樂,演唱會成功!」

此外,洪卓立與BOYZ雖沒有準備禮物,但笑言會到基仔的時裝店幫襯補數;而吳家樂則展示袋中的利是並說:「我呢啲折現啦!」

祖兒用蛋糕掟基仔,令他變花面貓!

送上大利是的吳家樂,與好友傅明憲結伴到賀。

BOYZ打算光顧基仔的時裝店當生日禮物。