官恩娜險撞正張馨予
歌手官恩娜（Ella）上周到電視城錄影時撞正「舊愛」吳卓羲在隔籬錄影另一節目，為避見而躲在錄影廠。想不到一星期後事件又險重演，今次對手卻換上吳卓羲「新歡」、內地女星張馨予。Ella前晚到電視城錄影《勁歌金曲》，張馨予則到隔籬錄影《變身男女》，但張馨予臨時甩底，「新歡舊愛」最終未有碰面。
提到避過一劫，Ella即置身事外地說：「唔講呢啲喇！我都唔識佢（張馨予），唔關我事！身為品牌代言人，唔想因為啲緋聞同奇怪新聞影響工作。」至於《變身男女》監製錢國偉指張馨予因內地有工作而臨時缺席：「我唔知佢哋會撞正，大家唔同Booking，就算知道都唔出聲啦！」
官恩娜繼上周險撞見吳卓羲後，前晚又險巧遇張馨予，認真行運！