Jeana瞓刀箱 原「峰」不動

「寸嘴o靚模」何佩瑜（Jeana）昨日與陳豪合演「刀鋸美人」表演，穿着低胸吊帶裙的她使出一招「不倒胸」技驚四座，連陳豪也讚嘆「好神奇」。

出名「寸寸貢」的Jeana，昨日出席時尚新店POMPEI開幕活動，與代言的陳豪首碰頭。同場雖有去年華姐岑麗香、名模Mandy Lieu、「餅碎」區文詩及陳敏之，但Jeana憑酥胸半露兼跌帶，搶盡「峰」頭。不過，最精彩還是她與陳豪合演「刀鋸美人」魔術時，無論企、坐、側身還是瞓低，其「不倒胸」絲毫不動，認真神奇。

急轉話題解圍

事後，陳豪被取笑幾乎「鋸爆波」，他即尷尬地說：「之前拍《心戰》學過魔術，係有啲竅門要做戲。（驚整爆佢？）哈哈哈……整爆……都有少少驚整親佢！（佢個胸好神奇喎！）哈哈哈……魔術表演係好神奇嘅！」問到對Jeana的逼爆身材有何評價？陳豪又再口窒窒說：「O…O…OK o架！我啱啱做完港姐評判都評唔少。」

被鋸胸的Jeana則揚言冇事，問到胸部為何可抗地心吸力？她解釋因戴胸圍及用手按住，隨即主動轉話題講陳豪，讚對方高大靚仔又Nice，望有機會合作。記者指陳豪專揀選美冠軍時，Jeana竟說：「我都係寫真冠軍，唔知有冇幫助呢？」