栢芝厭做明星寧行貓步
張栢芝與兒子謝振軒（Lucas）昨日缺席二人母子檔上陣的新片《無價之寶》於成都舉行的首映，只有王晶、鄭中基和林妙可等撐場。而栢芝在早前替now拍攝的時裝節目《Lifetival–Cinderella's Story》，則揚言做厭了明星。
栢芝在節目中穿上一系列秋冬裝，擺出型格Model甫士拍攝硬照，她說：「我入娛樂圈已經12、13年，影過無數封面，今次我想做另一個張栢芝，唔做明星，要做一個Model，但要完全拋低既有嘅張栢芝形象，有難度。我嘅心情好似Cinderella（灰姑娘）咁，呢次旅程完結，我又會變番一個喺娛樂圈打滾嘅藝人。我要同時間競賽，但好想時間停喺12點前，等我享受多啲做Model嘅感覺。喺米蘭拍外景，每日都好似發緊夢，好期待每日嘅工作，過程雖然辛苦，要不斷練習，但有好多得着，我真係唔捨得離開，但香港有太多工作要做，一定要返去。」
栢芝早前到米蘭拍攝，穿上5吋高踭鞋危坐圍欄邊。
王晶（左三）率領《無價之寶》演員出席首映。（中新社圖片）