「Bro」郭政鴻送祝福
郭政鴻在微博向何超雲及陳山聰送上祝福及支持，超雲即時回應致謝，更稱呼他做「Bro」（Brother）。昨日郭政鴻接受電話訪問時坦言：「梗係戥佢哋開心！（約佢哋食飯？）會！外間有好多唔同報道，人哋講乜控制唔到，山聰咁大個人識得處理，佢依家心情好平靜。」胡杏兒同樣戥舊拍檔山聰開心：「公司好少小生，希望佢愛情事業都兼顧到！」而鄧穎芝昨日透露曾在梁靖琪家拜年遇見山聰，還出言力撐：「佢好落力做嘢，相愛係唔計較金錢！（掛住溝女？）愛情係蒙蔽雙眼，我可能都係咁。」
此外，山聰下月將拍攝監製李添勝的新劇，問到何時傾角色？添哥坦言山聰已致電給他謂直至造型當日才會返公司：「我咪同佢喺電話傾人物性格囉！（佢好忙咩？）佢怕咗你哋啦！」戲份方面則照舊。
郭政鴻（左）支持陳山聰與超雲拍拖，戥好友開心。（資料圖片）