丁子高與楊千嬅拍拖時，曾被指「女尊男卑」，今次何超雲與陳山聰亦被標籤為「女尊男卑」，昨日丁子高在活動中被問及此事時說：「如果兩個人相愛，當然希望開花結果！（深刻體會？）由頭到尾都唔覺我同千嬅係女尊男卑，無論工作或所有嘢，唔覺得同佢有距離，同埋我都唔覺佢哋係。（啲人以錢嚟睇？）咁要習慣，唔使理人點睇，做番自己鍾意做嘅嘢，時間耐咗，可以證明一切。」他又指當初與千嬅拍拖時，有很多負面新聞：「自己幾年前都經歷過呢啲，不過最重要兩人真心相愛，唔使理外界。」
丁子高昔日與千嬅拍拖，曾面對不少壓力。
