官恩娜（Ella）昨日接受電台訪問時表示，下月將會隨無綫出發到大溪地拍攝旅遊特輯：「大溪地係我出生地方，好多親戚仲喺嗰邊，我都幾年冇返去喇！到時會返去我出世嘅醫院同埋父母生活嘅地方，對我嚟講好有意義！」Ella原本打算帶埋媽咪一同尋根，但擔心行程太趕會辛苦，問到男友會否同行？她說：「佢好忙，第時有機會先一齊返去啦！」
