Baby演技爛 變裝大翻身

升呢闖影圈的Angelababy今年雖然沒有出寫真，但在新片中依然不改模特兒本色，形象百變，玩齊法國風、印度風、懷舊Look及Casual造型，連她也自誇靚到爆！

轉戰影壇的Baby在新片《全球熱戀》中飾演演技差勁的女明星，經常蟬聯最爛女主角，故她決定大變身，戴假髮及眼鏡「落區」體驗生活以增進演技。她在片中形象百變，包括戲中戲、日常裝扮及喬裝到咖啡店等三種截然不同的造型，如同一人分飾三角，難怪被形容為「換裝女王」！Baby說：「我喺片中雖然演女明星，有啲似自己生活，但演出難度大好多，有好多微妙嘅情感變化。」

自讚靚爆

因有多場戲中戲，美術指導特別為Baby設計多個華麗造型，包括三十年代及八十年代Look，其中一個更被指勁似奧斯卡獲獎電影《芝加哥》中造型，導演夏永康亦承認有此野心，但其實是參考其他歌舞片，至於心情大靚的Baby也自誇漂亮：「我睇Playback時，都忍唔住偷笑，自己點解會咁靚？」

提到片中一場重要喊戲，Baby坦言壓力十分大：「要喺聽音樂時將歌中嘅情感投放喺自己身上，飲啲酒會較易投入。」她又表示拍該片感覺像大家庭，更當導演陳國輝和夏永康（Wing）是父母，在他們的督促下成長不少：「Wing頭髮好長，好似媽媽，非常細心。」

此外，Baby昨日上載四張大頭Chok相到微博，並說：「Do you miss me？（你想念我嗎？）」未知是否向緋聞男友黃曉明傳情？