山聰冧賭王揼本學做戲

賭王何鴻燊千金超雲連續兩晚帶男友陳山聰出席三房飯局。山聰得悉賭王鍾意睇電視，明白參演的劇集「入屋」度比自己更高，遂即高薪聘請老師教演戲。而超雲昨日風騷美甲，再蜜會男友。

賭王千金何超雲日前接受本報獨家訪問，承認與無綫藝人陳山聰拍拖4個月後，山聰連續兩晚獲邀見家長，與賭王及三太陳婉珍同枱食飯，雖然「超雲男友」的地位已獲肯定，但山聰未敢怠慢，近日積極裝備自己，投未來外父所好練好演技，滿足賭王「煲劇癮」。

間接師承荷里活

前日山聰接受本報訪問中提到賭王喜歡睇電視，是忠實劇迷，並有留意他於《洪武三十二》飾演皇帝一角。據知，賭王這番說話除令山聰受寵若驚外，更成為一種原動力，令山聰更加奮鬥，雖然向來有上堂學戲，但得悉賭王分分鐘「睇住」，加上女友超雲鼓勵他繼續於幕前發展，他進修演技的決心比以前更大，「升呢」後的他不惜以重金禮聘演技老師，單對單上門授課，務求用行動證明實力，討好女友及賭王的同時，亦於事業上衝刺。

對於高薪請老師教戲，山聰接受本報記者訪問時承認此事︰「依家係搵人教做戲。（演戲咁耐，點解仲要學做戲？）學無止境呀！我搵咗個曾經喺荷里活進修嘅老師教授演技，今次係私人教授嘅，而且係上我屋企教。」

李添勝無意增戲份

其實山聰向無綫請假「密密追」超雲前，已完成兩部電視劇《我的如意狼君》及《萬凰之王》，並將於稍後播出，而復工後他將接拍李添勝新劇《天梯》，雖然「聰雲戀」曝光後，山聰的人氣上升，但李添勝直言不會因此而增加其戲份，只會按原定的安排拍攝。