好友守得「雲」開 楊怡嚇到O嘴

多個月如幻似真的「聰雲戀」，隨着陳山聰前晚到三太大宅會見賭王何鴻燊及超雲親口證實相戀四個月，關係正式浮面。消息傳出後惹來全城哄動，身為山聰好友的楊怡昨日得知對方承認戀情後亦表現愕然，但不忘送祝福。

雖然山聰失蹤多時，但楊怡透露仍有透過微博與他聯絡：「我哋都好耐冇見，咁山聰有好嘢要帶挈我，去澳門咪招呼吓我，畀多少泥碼我囉！（擔心佢自此疏遠朋友？）相信愛情唔會影響友情，佢Handle到，朋友之間會支持。」

曾於劇集《我的如意狼君》演山聰妹妹的龔嘉欣，亦替對方找到喜歡的人而感高興。問到有否覺得對方「飛上枝頭」？嘉欣說：「唔會！唔覺得佢係咁嘅人！（佢形象負面？）外人都唔知發生咩事，大家都係估同聽先咁講，當事人都冇講過係真。」

陳山聰的好友伍詠薇亦恭喜他：「我當佢係哎吔細佬，但睇報紙先知佢同超雲拍拖，都戥佢開心！（身份懸殊壓力大？）呢啲要自己先知，由佢哋自由發展囉！」陳敏之則認為兩人拍拖只要開心便可，不方便評論，但會祝福他倆。