孫耀威獲老闆泵水攻台

闊別台灣樂壇9年，孫耀威（Eric）最近推出全新國語碟。為了炮製新碟，他在年初獨自到台灣生活及專心創作，本來唱片公司安排助手陪伴，都遭他婉拒，情願省回機票及住宿費，改放在製作費上。雖然在台生活沒人管束似「甩繩馬騮」，但他成功為新碟寫下8首曲、9首詞，沒有白費唱片公司的期望。Eric的努力更打動了唱片公司，為他開水喉拍MV：「有日老闆（環球唱片高層黃劍濤）Send個Email畀同事，話加我MV製作費5倍，初時啲同事仲以為係搞錯，求證老闆先知係真事！（女友陳美詩買碟支持？）佢至少要買10張啦！到時我會喺佢家用扣番！」

Eric一副Chok Look再攻台，果然與時並進。