Jeana Hidy槍口對外無懼圍剿

胸模何佩瑜（Jeana）及余曉彤（Hidy），日前試日本新玩意，用拖鞋打乒乓波，被幾十個乒乓波掟埋身的Jeana說：「放馬過嚟啦！」

日前Jeana及Hidy獲商場邀請參加「拖鞋乒乓球大賽」，二人以小背心襯短褲Look上陣，打算小試牛刀，不過打從她們將拖鞋一拎上手開始就非常蝦碌，經常「甩拖」，連拖帶波飛去對面，當對面發球時，Jeana經常揮拖落空，打不中目標，認真水皮！

向來愛撐的Jeana笑說：「呢個遊戲係日本傳嚟香港，不過日本啲拖鞋大塊啲，人字拖真係好難掌握！」工作人員為Jeana練波不停發球，最後決定將幾十個波一齊掟過去，跟Jeana在寫真戰中四面受敵一樣，豈料她說：「我唔驚你，放馬過嚟啦！」而Hidy一向是運動型美女，對打乒乓波可謂冇難度，不過她寧願陪好姊妹一齊受罪，迎接幾十個波餅：「用拖鞋打波嘅感覺好夏天，大家可以隨時喺屋企玩！」

拒「打小人」暗箭傷人

提到寫真宣傳戰中，Jeana牙尖嘴利的性格成為眾矢之的，問到會否偷偷用拖鞋打小人？她說：「我先唔會喺人哋背後做呢啲嘢！我都係有嗰句、講嗰句啫！大家都係新人，咁小事就受傷害，以後條路仲點行呀？當係訓練囉！」問到她倆同樣被質疑曾整容時，Hidy說：「整唔整容唔需要其他人去講，觀眾自己有眼睇，唔使啲人成日向記者講，我覺得做掂自己啲嘢先啦！」