法拉被章宇昂熱舞勾魂
無綫花旦陳法拉與新人章宇昂最近合作新劇，當中宇昂的一場跳舞戲令法拉喜出望外，更一度燃起同劇「舞王」謝天華的鬥心！
法拉與章宇昂最近合作新劇《潛行狙擊》，法拉被男方的一場跳舞戲吸引：「嗰場戲令我好驚喜！我覺得佢準備同發揮得好好，吸引到天華同松哥（劉松仁）都一齊睇，天華都話忍唔住想露番兩手，如果宇昂冇實力都激唔到天華啦！」
無懼做壞人
宇昂於新劇中飾演壞人，他揚言不怕給觀眾一個壞印象：「大家知道我唔壞咪得囉！只要表達到個角色就冇問題，我都係做番個角色，希望以後都有更多唔同嘅機會！」法拉亦鼓勵他做新人要賺取經驗，演戲時亦要懂得收放自如，多作大膽嘗試，不要怕醜。
宇昂坦言得到不少前輩教導，如拍攝時鏡頭的位置、講對白的技巧及演技等，當中師姐法拉亦幫助不少，他說：「我知道法拉初時嘅廣東話都唔好，佢叫我練多啲，講嘢唔好用英文代替！不過我哋溝通都易啲，大家都聽得明大家講咩！」
法拉已是無綫一線花旦，不忘提攜新人。
章宇昂的一場跳舞戲，令法拉刮目相看。
章宇昂不介意飾演壞人，更揚言要嘗試不同角色。