宣揚禁毒陳芷敏幫o靚模洗底
冬甩成員、「嫩版鄧麗欣」陳芷敏（Elke）忙完拍寫真後，又要準備夥其他成員拍攝月曆，向來走清純路線的她今次亦不例外，她說：「寫真出咗之後，啲粉絲話鍾意我其中一個戴住大蝴蝶嘅造型，我反而鍾意着全白色裙嗰張，感覺高貴啲！」
早前Elke憑清純氣質，脫穎而出獲選為保安局禁毒處拍攝平面廣告，宣揚禁毒訊息：「我冇識過朋友吸毒，今次呢個廣告好正面，一路以來，o靚模畀人感覺要行性感，我想講其實o靚模都可以好正面，唔一定要行性感！」不過最難倒她的反而是要做表情，因為她不笑時樣貌太嚴肅，最後要微笑才收貨！
