最近女歌手李蘊與台灣魔術師劉謙打得火熱，惟有傳李蘊自與劉謙相戀之後，即撇甩唱作男歌手周子揚（Hinson）！不過Hinson日前接受訪問時，否認曾與李蘊拍拖，又表示雙方已很久沒聯絡：「我同佢完全冇拍過拖！大家做新人時，佢主動認識我，但佢唔係我鍾意類型！」報道又指他是奀星，令他大感不是味兒：「最近我工作多多，除咗拍3部戲，接拍電台劇集同錄音之外，我仲幫家人打理房地產生意，報道所講嘅嘢根本唔係事實！（見李蘊尷尬？）唔會！清者自清，我冇做過任何攻擊人嘅嘢！（同佢聯絡？）好耐都冇！」
周子揚暫時以工作為上，無暇談情說愛。
