唐詩詠教馬國明追女仔

唐詩詠與馬國明一連合作3套劇集，大讚他是圈中筍盤男，可惜不似陳豪識沖咖啡，笑言要教他調幾杯特色飲品，讓他追女仔更加得心應手！

唐詩詠與馬國明在新劇《紫禁驚雷》中合演夫妻，詩詠表示今次戲份雖然不多，但仍合作得十分愉快：「我哋之前已經合作過兩部劇，拍《鐵馬尋橋》時唔係太熟，但因為演兄妹，感情慢慢累積起嚟！之前套《真相》，我哋變成一對情侶，部分親熱場面都係我哋要求加嘅，因為大家互相信任，拍嘅時候亦唔需要避忌，今次合作《紫》劇當然更駕輕就熟！」

聞邦邦即封嘴

馬國明一直被視為圈中「筍盤男」之一，詩詠笑說：「佢幾好仔o架！可惜唔似陳豪咁識沖咖啡，連奶茶都唔識沖，我都要教佢整多幾杯特色飲品先得！（有冇介紹女仔畀佢識？）冇所謂！不過已有太多人叫我介紹，佢哋都可以介紹男仔畀我識！」有傳她與崔建邦（邦邦）已經復合，她封嘴不回應：「唔講呢啲，工作為上！」

詩詠表示首次拍古裝劇，自覺還有很多地方需要改善：「因為我細個講印尼同福州話，所以到依家講嘢都會有懶音，我已經搵咗一位電台朋友教我，仲會聽帶改善發音。」此外，她早前到日本關西、大阪等地拍攝旅遊特輯：「過程雖然好辛苦，不過能夠見識世界文化遺產，真係大開眼界！」