亞男 祖藍 攬得唔咀得

答應為男友王祖藍演嘢會擔任表演嘉賓的李亞男，早前與男友排舞時，雖然不介意有身體接觸，但當跳到「咀嘴」部分時，她竟突然緊張傻笑，並揚言要與祖藍保持距離，認真保守！

王祖藍與李亞男近日密鑼緊鼓，為本月十九至二十一日舉行的《王祖藍咪咁扮嘢演嘢會2"我要嫁俾耶穌"》排舞，二人除了大跳宮廷舞外，還會演繹周星馳經典動作「巴黎鐵塔反轉再反轉」，甚有噱頭！

之前曾揚言不願公開與男友咀嘴的亞男，排舞期間果然「講得出做得到」，即使不介意與祖藍觸碰及緊抱，但到了咀嘴場口，她即顯得相當尷尬。其後記者要求二人扮咀嘴合照時，亞男亦「有咁遠企咁遠」。問到為何與男友接吻如此避忌？她笑說：「我哋一向都有保持距離。」難道連接吻也要留待婚後？亞男解釋：「咁又未至於，我只係覺得喺人哋面前，都係保持距離好。」

箍痛男友面容扭曲

另一搞笑位是亞男比祖藍高很多，排舞師提議她舉起祖藍轉四至五個圈，可惜亞男力不從心，甫舉起祖藍即失重心險跌倒，而被箍到實的祖藍亦痛至面容扭曲。為免女友受苦，祖藍反建議舉起亞男，成功一Take過關！他事後認叻：「我終於可以喺女友面前展示有男人味嘅一面。」