Ella聞Ron喪膽避到入廠

過氣緋聞情侶吳卓羲（Ron）及官恩娜（Ella）前晚各自在電視城為不同節目錄影，但女方似乎有心避男方，更訛稱化妝間太多人而一直匿在錄影廠。

吳卓羲跟官恩娜前晚分別為節目《勁歌金曲》及《變身男女Chok Chok Chok》錄影，Ron透過記者告知才知道Ella都在場，問到會否跟她打招呼？他大方表示會，更指二人曾於公開場合碰頭時都有打招呼。不過記者一直找不到Ella，公關指她早已入廠。

張馨予Ron粉絲互鬧

記者直接入錄影廠找Ella，問到是否避Ron？她說：「唔係！同事就話嗰邊（化妝間）冇晒位，安排我喺呢度，我唔知佢喺度！（如果知呢？）都冇所謂，識嘅都會打招呼，見到人唔打招呼好冇禮貌㗎！」不過記者問到跟Ron這麼久沒見會否相擁時，她卻答非所問：「希望今晚會贏啦！」

而前晚是Ron舊曆生日，他指下月初的新曆生日會在工作中度過。提到緋聞女友張馨予跟其Fans在網上對罵，Ron表示毫不知情，故不會回應太多，但亦勸Fans冷靜。問到會否叫張馨予稍為忍讓？他說：「呢啲佢自己會處理，我唔參與。」