舊愛胡定欣唔敢多嘴
吳浩康突然分手，前女友胡定欣說：「因為我唔係當事人，所以唔想評論太多。（同吳浩康仲有冇聯絡？）好少嘞！（傳佢濫藥？）希望只係炒作嘅新聞，其他唔想講太多！」而曾與吳浩康傳緋聞的鄭希怡說：「堅定流呀？講吓咋啩？（認咗分手！）我真係唔知喎！不過若然係真，就真係好可惜，話晒咁多年，其他嘢我就唔清楚。」
至於曾與莊思敏合作電影的台模趙彤，對他們分手大感驚訝：「係咪真o架？咁爆？上星期我同佢喺孟瑤婚禮上，都冇察覺有異樣，唔知佢哋分手，好驚訝，好可惜！（同莊思敏傾感情事？）都有！佢同吳浩康試過喺電台接受訪問，佢哋嗰時好Sweet。」而孟瑤則說：「佢哋係咪分手我唔知，之前莊思敏都有嚟我婚宴，唔覺佢有唔開心，不過佢哋都拍拖一段日子，如果係都好可惜！（安慰莊思敏？）如果真係分手都會打電話安慰吓佢！」
胡定欣對舊愛吳浩康的事，不願多談。（資料圖片）