重組BOYZ的關智斌（Kenny）與張致恒，昨日與陳柏宇及MC Jin等到保齡球場鬥波，問到Kenny有關緋聞好友張敬軒母親患腦血腫一事，他說：「軒仔有諗過帶媽咪嚟香港醫，但怕走來走去，最後都留喺廣州陪佢。（致電伯母？）唔想騷擾佢住，遲啲探佢。」
提到近日股巿連番下瀉，半年前轉攻買樓的Kenny考慮趁低吸納。而下月首次踏上舞台劇台板的陳柏宇說：「可以同大師級鍾景輝、劉雅麗合作，淨係坐台邊都覺得好睇。（劇中冇女伴感失望？）仲好，唔使諗咁多嘢。」
MC Jin（左起）、張致恒、Kenny及陳柏宇碌Lane鬥波。
