遭兩女「突襲」謝天華面紅
謝天華與陳法拉昨日到商場宣傳劇集《潛行狙擊》，當走近圍欄與市民簽名及合照時，兩名熱情女Fans突然用手搭着天華膊頭及手臂良久，他說：「搞到我面紅！」事後他說：「明白Fans想見到真人，掂到都好正常。（咀你都得？）事先要知囉！突襲就唔好，但佢哋都好有禮貌掂吓啫！」他公布劇集最高收視為33點，問到有否信心爭視帝，他說：「如果收視高啲會有信心。（想攞獎？）個個都想好成績。」
同場的法拉一度不慎露出背心吊帶，她表示男友薛世恒有捧新劇場：「佢話估唔到我係另一種女警官個樣。」另外，她前晚與天華為節目《變身男女Chok Chok Chok》錄影時表示，支持天華角逐視帝，天華則否認Laughing系列電影是刻意為他爭視帝谷人氣。
被熱情Fans搭着不放，天華笑晒拍拍心口，場面搞笑。
陳法拉於新劇扮演女警，令男友刮目相看。
天華即席拉奏小提琴版《小明上廣州》，法拉則在旁伴唱，大搞氣氛。