Jeana儲錢升Cup做奶媽

熱到頭暈的寸嘴模何佩瑜，昨日受訪時離奇表示要做奶媽，又揚言要儲錢「升Cup」，既想隆胸又想整容，實在莫名其妙！

男子組合農夫、黃婉曼、何佩瑜（Jeana）與Hidy等昨日出席池畔派對，身材驕人的黃婉曼穿上吊帶小背心騷Quali，而衣着不突出的Jeana，玩遊戲時即出盡力俯身，拋胸挽回劣勢！

向來牙尖嘴利的Jeana，昨日離奇地「九唔搭八」，當Hidy開玩笑認她做「契媽」時，她無厘頭地說：「做契媽

冇興趣，不如做奶媽啦！我今朝起身流鼻血，個人好虛呀！」又突然表示要儲錢「升Cup」：「我唔知呀！畀醫生檢查吓先啦！（你健康有問題？定係想隆胸、整容呀？）兩樣啦！未知呀！（係咪應該先整個腦？）開腦冇用，腦開唔到刀，可能尋日熱到41度，我暈

暈哋！」

C君明年做老襯

至於農夫成員陸永則承認與22歲女友「搞出人命」，預產期是明年3、4月：「依家搵緊麥玲玲擇日，我哋會簡單註冊，然後兩家人食餐飯。BB未知性別，但我諗住叫佢『六合彩』或者『六通拳』囉！」活動期間，他不時與Jeana咬耳仔，事後理直氣壯地揚言不怕傳緋聞：「我驚咩呀！老竇都做埋喇！」而C君則否認情變，並指婚期定於明年底。