獎后容祖兒唔贏唔慣
陳奕迅（Eason）前晚來去匆匆，於《新城國語力頒獎禮》下半部分才由機場趕抵現場，但仍「密食當三番」，以3個半獎成為男歌手大贏家，而好友容祖兒則以3獎稱后！問到掃獎是否習以為常，祖兒說：「唔係，當唔畀你嗰陣又會唔慣㗎喇！繼續加把勁，做好工作！」她還透露近日為巡迴演唱會而喪做運動，希望以最佳狀態示人。
至於Eason完騷後即到內地工作，未有出席慶功宴，他透露早前趁生日舉家歐遊，但由於太攰，他整日留在酒店休息，而太太則帶囡囡遊動物園。除祖兒與Eason大豐收外，同場的兩岸三地歌手亦有獎落袋，包括捧走3獎的潘瑋柏、吳建豪、方大同及組合LOLLIPOP F等。
祖兒捧走三個大獎，再度成為頒獎禮獎后！
Eason捧着獎座晒命，笑到見牙唔見眼！