許亦妮聞債主爆料得啖笑
是非多多的港姐季軍許亦妮當選後即開工至凌晨，最後坐保母車返觀塘寓所。昨日，她會見傳媒時坦言連奪季軍及最上鏡小姐已感滿足，但不相信受負面新聞拖累才只得季軍。至於賽前有自稱「債主」的人聲言踩場，結果甩底，她說：「好奇怪佢哋唔嚟，咁樣講真係好戲劇性！（傳開記者會喎！）好笑！件事唔係事實，唔知佢哋會講咩呢？不過覺得有啲恐怖，怕會有下一步激烈行為。」
雖然不時被人爆料，但許亦妮原來在圈中頗有人緣，賽前獲何超蓮及模特兒陳雅麗睇好入三甲，寇鴻萍及作家深雪賽後亦在微博送祝賀，深雪更讚她是個美人。
