何尚謙攬公仔瞓覺
組合Square成員何尚謙（James）入行後，收過不少粉絲的禮物，談到最愛，James首選今年收到的情人節禮物，他說：「呢兩隻公仔都係Fans喺情人節嘅時候送畀我，佢哋知我好鍾意多啦A夢，平日都收過公仔，但呢隻係特別版，仲係多啦A夢畀老鼠咬到之前，有耳仔黃色個樣，特別可愛！」James拿着至愛的毛公仔，如數家珍般訴說相關故事，大晒童真一面，他說：「咁男仔都可以玩公仔嘅！（唔怕畀人笑？）我又唔係攬出街，瞓覺有個公仔攬住特別好瞓㗎！」
James又笑言情人節收公仔絕非女仔專利，問到會否挑選Fans當情人？James說：「依家都係事業為重啦！雖然係老土，但緣分冇得睇身份，係咪Fans都冇所謂啦！自己鍾意獨立型女仔，都唔排除喺Fans裏面會遇到。」
外表勁Man的James原來喜歡抱着毛公仔睡覺。
抱着Fans所送的毛公仔，James露出童真一面。